AFP ပါတီ ကျောက်ဖြူမှာမဲနိုင်ရခြင်းအကြောင်းထိပ်ပိုင်းAFP ပါတီဝင်တိ ULA/AA ကိုလေးစားမှုပြသင့်
————————-
၂၀၂၀ ရွေးကောက်ပွဲမှာ AFP ပါတီ ကျောက်ဖြူတခုတည်းမှာ သုံးနီရာအနိုင်ရရေ၊ ရက္ခိုင်တပြည်လုံးမှာလည်အခြားနိန်ရာတိမှာ အနိုင်မခပါ၊ ယင်း ၃နီရာဆိုစွာ ပါတီအတွက်တာထွက် မျက်နှာပန်းဆိုကေမမှား၊ ကျောက်ဖြူသားတိဇာကြောင့်AFP ပါတီကိုမဲပီးခကတ်တေလတ်?
၁၊ AFP ပါတီဝင်တိမဲဆွယ်ခါ၊ ငြို့ပါတီ AA ကိုထောက်ခံရေလို့ပြောဗျာလ်မဲဆွယ်ရေ
၂၊ ပါတီအတွင်းရေးမှု ဦးကျော်ဇော်ဦးကျောက်ဖြူရောက်လာခါ ၂၀၂၀ ရွေးကောက်ပွဲမှာ နိုင်ကေလေ့တခုလေ့ပျင်လို့မရ၊ စစ်ဖြစ်နိန်ရေဒေသမှာ စစ်ဘေးသင့်ပြည်သူတိကိုလွတ်တော်အမတ်တစ်ယောက်အနီနန့် အကာကွယ်ပီးနိုင်အောင် အနိုင်ရအမတ်တိက မီဒီယာကတဆင့် ပြောပီရဖို့ ကာကွယ်ရဖို့ ယင်းပိုင်တထုရာလုပ်နိုင်ရေပြောခဖူးရေ၊ စစ်မီးတောက်နီရေဒေသမှာ သူပြောစွာ လက်တွိ့ကျရေလို့ကျောက်ဖြူသားတိယူဆကတ်တေ၊
၃။ ANP ပါတီကဖိုးစံရို့ အမတ်ပြိုင်ခွင့်ရဖို့ အမှုရင်ဆိုင်နိန်ရေချိန် စစ်ပြီးဒုက္ခသည်တိကို ဥပေက်ခါပြုထားလို့ လူတိက မေးခွန်းထုတ်နိန်ရေချိန်၊ AFP ပါတီဝင် ဦးကျော်လွင်က ကျောက်ဖြူစစ်ပြီးဒုက္ခသည်တိ မီဒီယာကတဆင့်ပြောကြားပီးခရေ၊
၄။ ကျောက်ဖြူနယ်ကို NLD အစိုးရက စစ်တပ်နယ်မြေနန့် မြို့ပေါ်ဒေသမှအပ တောနယ်အားလုံး ရွေးကောက်ပွဲပိတ်ထားလို့ မဲပီးနိုင်ရေလူဦးနည်းနီရေခါ မဲကွဲကေ ကြံ့ဖွတ်ကောက်စားလားနိုင်ရေတွက် ရက္ခိုင်ပါတီတပါတီကိုမဲပီးဖို့ ရည်ရွယ်ဗျာလ် ကျောက်ဖြူလူငယ်အဖွဲ့ ကိုထွန်းထွန်းနိုင်ရို့က မြို့လှုပ်လှုပ် နန့် AFP ပါတီကိုမဲပီးဖို့လူထုကိုတွန်းပီးခရေ၊ ကျွန်တော်ကိုယ်တိုင် နီစပ်ရာဆချို့ကိုဖုန်းခေါ်လို့ AFP ကိုမဲထည့်ပီးဖိုပြောဖူး
ဒေါက်တာလေ့ထောင်ကထွက် လီသံစကေ စကေပြောင်းလာရေ၊ ဦးကျော်လွင်ရို့ကအစ ရက္ခိုင် နက်လက်ကိုင်အဖွဲ့တိကွဲနိန်ရေ အခုထိစုစည်းမရစသည် ULA/AA ကို လူပေါင်း ၃၀ မပြည့်ရေ ANC/AA , နန့် တပ်သား ၁၀၀ တောင်မပြည့်ရေ ALP နန့် တတန်းထားလို့ လက်နက်ကိုင်လမ်းစဥ်ကိုထောက်ပြပြီး ရက္ခိုင်လူတိကိုပါတီနိုင်ငံရေးထဲပြန်ထည့်ချင်ရေလီသံရေ လက်ခံလို့မရ
–
copied.data.blog 